4 мая 16:07

Пластик картадаги пулни қандай ҳимоялаш мумкин?

Want create site? Find Free WordPress Themes and plugins.

Ягона Умумреспублика Процессинг Маркази (ЯУПМ) тузилмасида Хавфсизлик ва хатарлар бошқармаси ташкил этилмоқда. Бошқарма пластик карталардаги пул маблағларидан ноқонуний фойдаланишдан ҳимояни таъминлайди.

Сўнгги чоракда пластик карталардан пул маблағларини ноқонуний ечиш билан боғлиқ йигирмага яқин фирибгарлик далиллари фош этилган. Уларнинг аксарияти фойдаланувчиларнинг уяли алоқа телефонларини блокировка қилган вирусли дастурлар ёрдамида амалга оширилган. Фирибгарлар аппаратни блокировкадан чиқариш учун пул ўтказишни талаб қилганлар. Жиноятчилар карта сақловчисининг ижтимоий тармоқлардаги маълумотларидан фойдаланган ҳолат ҳам қайд этилган. Барча қўшимча маълумотларни фойдаланувчининг ўзи телефон орқали жиноятчиларга берган.

ЯУПМ экспертлари кобейжинг карталарига ўтиш билан пластик карталардаги маблағларни ноқонуний ўзлаштириш хатари ошишини башорат қилмоқдалар. Бу карталарнинг техник хусусиятлари ва ҳаракатланиш географияси кенгроқ эканлиги билан боғлиқ.

Счётдаги маблағлар бут сақланишини қандай таъминлаш мумкин? «ЯУПМ» МЧЖ ҚК бош директори Аҳрор Маҳмудов бу ҳақда батафсил сўзлаб берди:

Картангизнинг пин-кодини ҳеч ким билмаслиги керак. Бу ахборотдан қанча кўп одам хабардор бўлса, фирибгарлар ўлжасига айланишингиз имкони шунча ошади. Пластик карта тўғрисидаги маълумотларни бегона кишиларга берманг.

Июль ойидан бошлаб кобейжинг карталарини жорий эта бошлаймиз, яқин йилларда барча пластик карталар уларга алмаштирилади. Янги намунадаги карталар берилаётган пайтда картанинг ноёб пин-коди фақат сақловчига маълум бўлади.

Сақловчи пин-кодни айтмай карточкадан фойдаланиши учун ҳамма ерда техник шароитлар яратилади. Умумий овқатланиш шохобчалари, супермаркетлар ва бошқа жамоат жойларида кўчма клавиатурали POST-терминалларни ўрнатиш режалаштирилмоқда.

Хавфсизликни сертификатлаш бўйича халқаро ташкилот мезонларига мувофиқ янги бошқарма амалга ошираётган сертификатлаш муҳим ҳимоя бўғинига айланади. Тегишли ҳужжатнинг мавжудлиги сертификат соҳиби халқаро стандартларга мувофиқ картадан юқори даражада хавфсиз фойдаланишни таъминлай олишини англатади. UzCARD тизимида қатнашувчи интернет-дўконлар ва бошқа тижорат тузилмалари сертификатлашдан муваффақиятли ўтганлик тўғрисидаги ахборотни ўз ресурсларида кўрсатадилар. Сертификатланган ҳамкорлар хизматларидан фойдаланиш – маблағларингиз хавфсизлиги ва бут сақланиши кафолати бўлади.

Бундай қисматдан қочиб қутула олмаганларга маслаҳат. Бизга колл-марказ орқали мурожаат қилинг. Бу билан пулни қайтариб олишингиз ва жиноятчилар фаолиятига барҳам беришингиз тайин. Хавфсизлик ва хатарлар бошқармаси мутахассислари, шунингдек ҳуқуқни муҳофаза қилувчи органлар фирибгарларни топишда ёрдам берадилар.


Did you find apk for android? You can find new Free Android Games and apps.




Ўртоқлашиш:
Добавить комментарий