8 oktyabr 15:49

«Mobicon 2018» конференциясида машҳур ўзбек блогерлари иштирок этади

Want create site? Find Free WordPress Themes and plugins.

11 октябрда бўлиб ўтадиган «Mobicon 2018» мобил конференциясида ўзбекистонлик машҳур блогер ҳамда вайнерлар иштирок этади.

Ўзбекистонда муаллифлик блоглари йилдан-йилга ошиб бормоқда. 2014 йилдан бошлаб эса блогер тушунчаси қонунда аниқ қилиб белгилаб қўйилди. Бугунги кунда айрим блог-лойиҳаларидаги умумий обуначилар сони 100 мингдан ортиқни ташкил қилмоқда.

«Mobicon 2018» конференциясида иштирок этувчи блогерлар:

  • Умид Ғафуров — «Socio.uz» ва «Troll.uz» асосчиси. Спикер мавзуси: «Чироқ, телефон, мотор!». Қандай қилиб пулсиз ўз видеоблогингизни бошлашингиз мумкин?;
  • Мираҳад Егамедиев ҳамда Тимур Аманшиков — «Poxer TV» лойиҳасининг муаллифлари. Спикер мавзуси: «Инглиз тилида машҳур вайнларни қандай қилиб олиш мумкин?»;
  • Сардор Бабаев — «НЕВКУРСЕ» ҳамда «ИН ДА ХАУС» интернет-лойиҳаларининг муаллифи. Спикер мавзуси: «Нима учун Ўзбекистонда видеоблогинг ўлиб кетади?»;
  • Ферузхан Якубходжаев — «Гражданин Горожанин» ва «Филология» видеоблогларининг муалифи. Спикер мавзуси: «Омма ичида туриб, фикрлаш нега керак? Блогингдаги ижтимоий вазифалар»;
  • Сардор Алимов — «Sainstablog» каналининг муаллифи. Спикер мавзуси: «Қандай қилиб Тошкентда машҳур YouTube’чи бўлиш мумкин?»;
  • Рустам Маҳамаджанов — «ROCKET» агентлигининг асосчиси ҳамда бошқарувчиси, #ХОРОШ влогининг муаллифи. Спикер мавзуси: «Қандай қилиб #ХОРОШИЙ ҳамда сердаромад влог қилиш мумкин?».

Ўзбекистонлик блогерлардан ташқари, «Mobicon 2018» мобил конференциясида «YouTube» вакили, «Genesis YouTube Qazaqstan & Central Asia» раҳбари Самсон Безмятежний ҳам иштирок этади. У «YouTube»нинг Қозоғистон, Марказий Осиё ва дунё мамлакатларида ривожланиши, соҳадаги сўнгги трендлар ҳақида сўзлаб, ушбу видеосервисда қандай қилиб ўз каналингизни ривожлантиришингиз мумкинлиги ҳақида маслаҳатлар беради.

«Mobicon» спикерларининг батафсил рўйхати билан конференциянинг расмий сайтидатанишишингиз мумкин.

Конференцияга келувчи ҳар бир иштирокчи Ўзбекистонда яқин вақт ичида тижорий йўлга қўйиладиган янги алоқа стандартини синовдан ўтказиш имкониятига эга. Ҳозирда эса абонентлар Ўзбекистоннинг барча йирик шаҳарларини қамраб олган тармоқнинг тўртинчи авлодидан (4G) фойдаланишлари мумкин.

«Mobicon 2018» конференцияси, анъаналарга содиқ қолган ҳолда, фақат бир кун — 11 октябрда «International Hotel Tashkent» меҳмонхонасида ўтказилади. Тингловчи сифатида иштирок этиш — бепул.

Таклифномани қўлга киритиш учун тадбирнинг расмий Telegram-каналида рўйхатдан ўтиш керак. Конференциядан уч кун аввал Telegram-каналнинг барча аъзоларига электрон таклифнома жўнатилади. Мазкур таклифнома билан конференция ўтказилаётган бинога кириш мумкин.

Тадбир ташкилотчиси — «Ledokol Group» медиа агентлиги. «Ledokol Group», «Mobicon»дан ташқари, 2011 йилдан «USENET» интернет-конференцияси ташкилотчиси ҳисобланади.

Конференциянинг бош ҳомийси — «Beeline Uzbekistan». Бош ахборот ҳамкори — Ўзбекистон Миллий телерадиокомпанияси (МТРК).

Анжуман ҳомийлари: «CLICK» электрон тўлов тизими, «MacCoffee» савдо белгисидан «Cafe’ PHO» ҳамда расмий мобил ҳомий — «MEIZU» компанияси. Шунингдек, тадбирнинг IT-ҳомийси «WebNow», Event-кўмак — «Unique Present», SMM-ҳамкор — «Africa» агентлиги.

Бу йилги конференция ҳам бир пайтнинг ўзида иккита анжуман залида ўтказилиб, иштирокчилар ўзлари учун керакли спикерларни танлаб, уларни эшитиш имкониятига эга бўлишади.

 

Манба: XABAR.UZ

Did you find apk for android? You can find new Free Android Games and apps.




Ўртоқлашиш:
Добавить комментарий

Ўзбекистонда биринчи бор: «Mobicon 2018» доирасида «YouTube» вакили Самсон Безмятежний чиқиш қилади

Want create site? Find Free WordPress Themes and plugins.11 октябрда бўлиб ўтадиган «Mobicon 2018» мобил конференцияси доирасида Ўзбекистонда биринчи бор «YouTube» вакили Самсон Безмятежний иштирок этади. Самсон Безмятежний «Genesis YouTube Qazaqstan&Central Asia» раҳбаридир. Самсон Безмятежний «YouTube»нинг Қозоғистон, Марказий Осиё ва дунё мамлакатларида ривожланиши, соҳадаги сўнгги трендлар ҳақида сўзлаб, ушбу видеосервисда қандай қилиб ўз каналингизни ривожлантиришингиз мумкинлиги ҳақида […]

Тошкентда Mobicon 2018 мобил конференцияси бўлиб ўтади

Want create site? Find Free WordPress Themes and plugins.Ушбу конференция жорий йилда Mobicon 2018 учинчи маротаба ўтказилади. Mobicon 2018 мобил конференцияси 11 октябрь куни Тошкентда бўлиб ўтади. Ушбу конференция International Hotel Tashkent анжуманлар залида ўтказилиб, унда 20 дан ортиқ маҳаллий ва халқаро мутахассислар маъруза қиладилар. Mobicon ташкилотчиси – 2011 йилдан буён кенг миқёсли USENET интернет-конференциясини […]

3 avgust 15:56